Followers

search your stuff here

Custom Search

mahsus kar mujhe tu


hum ahl-e-mohabbat par woh waqt bhii aaye hein
khud qatl huwey aur qaatil kahlaaye hein

roye to hai ruswaai chup rahne pe dam TooTe
phoolon ke ewaz hamnein woh zakhm bhii khaaye hein

apnon ki mohabbat kii itni sii haqiqat hai
jitna bhii gale miliye utne hii paraye hein

is daur mein 'barham' bach kar bhii kahan jaayein
jo aag baraste hein woh apnon ke hii saaye hei
---
mahsus kar mujhe tu, kabhi paas aa ke dekh
mere jahan-e-dil meiN apna ghar basa ke dekh

koi aisey ajnabi bhi nahiN is shahr ke log
kuchh keh to ranj-o-gham ki, sab ko suna ke dekh

hamshakl ho gaya hai mere gham ka, tera gham
tu mere dil ko apna aayina bana ke dekh

yeh farq dair-o-harm ka nazroN ka bharam hai
tu deengah se apni, bahar to aa ke dekh

jab ranjishoN meiN kat gayee, ab na fareb kar
waqt aakhiree hai, ab na muskura ke dekh

khamosh sun rahey haiN hum, sarghoshi-e-bahar
aatey haiN apne gaaoN se jhoNkey hawa ke dekh

maiN muNtzir huN roz-o-shab, aiy dard-e-do_jahan!
be-dard, jab bhi waqt miley, aazma ke dek
---

---

---

---

---

No comments:

Post a Comment